ភ្នំពេញ÷ លោកជំទាវ ជា សេរី អគ្គនាយករបស់ធនាគារជាតិនៃ កម្ពុជា(NBC)ត្រូវបានតែងតាំងជាសមាជិកក្រុមប្រឹក្សានៃវិទ្យាស្ថាន Global FinTech របស់ប្រទេសសិង្ហបុរី ដោយសារតែគំនិតផ្តួចផ្តើមអភិវឌ្ឍប្រព័ន្ធបច្ចេកវិទ្យាទូទាត់នៅក្នុងវិស័យហិរញ្ញវត្ថុ។
វិទ្យាស្ថាន Global FinTech មានការិយាល័យកណ្តាលនៅប្រទេសសឹង្ហបុរីគឺជាស្ថាប័នដែលមានជំនាញវិជ្ជាជីវៈជាសកលដែលត្រូវបានបង្កើតឡើងដើម្បីបង្កើតអោយមានកិច្ចសហការ ការតស៊ូមតិក្រមសីលធម៌និងចំណេះដឹងសម្រាប់អ្នកជំនាញក្នុងវិស័យ FinTech នេះ។
លោកជំទាវ ជា សេរីបានសរសេរនៅលើទំព័រហ្វេសប៊ុកផ្លូវការរបស់ខ្លួនអំពីការតែងតាំងនេះត្រូវបានធ្វើឡើងនៅក្នុងកិច្ចប្រជុំក្រុមប្រឹក្សាតាមរយះវីដេអូនៅថ្ងៃទី ៦ ខែមេសាកន្លងមកនេះ។
លោកជំទាវបានសរសេរថា÷“ ថ្ងៃនេះខ្ញុំមានកិត្តិយសណាស់ដែលត្រូវបានតែងតាំងជាសមាជិកក្រុមប្រឹក្សាអន្តរជាតិ – រួមជាមួយបុគ្គលល្បីមួយចំនួនទៀតនៅក្នុងបណ្ឌិតសភាផ្នែកឯកជនននៃវិទ្យាស្ថាន Global FinTech នៃសាកលវិទ្យាល័យវិទ្យាសាស្ត្រសង្គមសិង្ហបុរី” ។
លោកជំទាវបានបន្ថែមថា“ ខ្ញុំមានសេចក្តីរីករាយដែលបានចូលរួមជាសក្ខីភាពនៃការចុះហត្ថលេខាលើអនុស្សរណៈនៃការយោគយល់គ្នារវាង GFI និងក្រុមហ៊ុន FinTech និងក្រុមហ៊ុនWorld Scientific Publishingលើកិច្ចសហប្រតិបត្តិការនានា”។
ក្រោមគំនិតផ្តួចផ្តើមរបស់លោកស្រីធនាគារជាតិនៃកម្ពុជានៅថ្ងៃទី ២៧ ខែតុលា ឆ្នាំ២០២០បានដាក់ឲ្យដំណើការប្រព័ន្ធទូទាត់តាមទូរស័ព្ទចល័តដែលមានឈ្មោះថា“ ប្រព័ន្ធបាគង” ក្នុងគោលបំណងដើម្បីអភិវឌ្ឍបច្ចេកវិទ្យាក្នុងវិស័យហិរញ្ញវត្ថុកាន់តែទូលំទូលាយនៅតាមជនបទនិងការលើកកម្ពស់ការរួមបញ្ចូលវិស័យហិរញ្ញវត្ថុនៅក្នុងព្រះរាជាណាចក្រកម្ពុជា៕