Category: Economy

ភ្នំពេញ៖ បន្ទាប់ពីធនាគារអេស៊ីលីដាបានដាក់ឱ្យដំណើការជាផ្លូវការនូវប្រើប្រាស់នូវ​សេវាទូទាត់តាម «KHQR Code» មិនទាន់បានប៉ុន្មានថ្ងៃផង ស្រាប់តែមានអតិថិជន​ដែល​​របស់ធនាគារអេស៊ីលីដាផ្ទាល់ និងគ្រឹះស្ថានធនាគារនិងហិរញ្ញវត្ថុនានា​បានកំពុងប្រើប្រាស់យ៉ាងផុលផុសរៀងរាល់ថ្ងៃ ខណះដែរទាំងម្ចាស់ហាង និងអ្នកស្កេនក៏មានការសប្បាយចិត្តរីករាយក្នុងការប្រើប្រាស់ដោយសារមិនចាំបាច់មានQR ច្រើនស្ថាប័ន។

អ្វីដែលកាន់តែពិសេសនោះគឺហាងមាន KHQR  គឺ ត្រូវបានគេមើលទៅហាក់ដូច​ជាបានកំពុងបម្រើអតិថិជនគ្រប់ធនាគារ ការពារហានីភ័យផ្សេងៗ ដោយមិនចាយ​ក្រដាស់ប្រាក់ដែលអាចបង្កហានិភ័យឆ្លងមេរោគផ្សេងៗឬបាត់បង់ដោយប្រការណាមួយនោះ។

ធនាគារ អេស៊ីលីដា ភីអិលស៊ី​គឺជាធនាគារពាណិជ្ជទីមួយក្នុង​ប្រទេសកម្ពុជាបាន​អភិវឌ្ឍ និងបានដាក់ឲ្យប្រើប្រាស់នូវសេវាទូទាត់តាមKHQR Codeក្រោមកិច្ចផ្តួចផ្តើម និងដឹកនាំរបស់ធនាគារជាតិនៃកម្ពុជាកាលពីថ្ងៃទី២៥ ខែតុលាកន្លងមកនេះ។

សម្រាប់អតិថិជននៅធនាគារឬស្ថាប័នណាក៏ដោយ គ្រាន់តែមាន KHQR Code របស់អេស៊ីលីដា ដែលជាស្តង់ដារឃ្យូអរកូដតែមួយ សម្រាប់គ្រឹះស្ថានធនាគារនិង​ហិរញ្ញវត្ថុ និងគ្រឹះស្ថានផ្តល់សេវាទូទាត់សងប្រាក់ ដាក់ឲ្យអតិថិជនប្រើប្រាស់​ដើម្បីការ​ទូទាត់ថ្លៃទំនិញ និងសេវាកម្មផ្សេងៗនៅក្នុងប្រទេសកម្ពុជា តាមរយៈអេស៊ីលីដាម៉ូបាល (ACLEDA Mobile) កម្មវិធីបាគង (Bakong App) និងអាចស្កែន KHQR Code របស់ធនាគារផ្សេងៗបាន៕

ដើម្បីស្នើសុំ KHQR Code របស់ធនាគារ អេស៊ីលីដា សម្រាប់ទូទាត់ទំនិញ-សេវាកម្មផ្សេងៗ សូមចុចទីនេះ   

https://www.acledabank.com.kh/kh/khm/frm_mobile

ភ្នំពេញៈ ក្នុងគោលបំណងដើម្បី​​ជា​ការ​ចាប់​ផ្តើម​​បើក​ទទួល​ភ្ញៀវ​ទេសចរ​អន្តរ​ជាតិ​ចាក់​វ៉ាក់សាំង និង​ធានា​បាន​នូវ​សុវត្ថិភាព​​ទាំង​​ភ្ញៀវ​ទេសចរ និង​ប្រជាជាន​ក្នុង​​ស្រុក​ រាជរដ្ឋាភិបាលកម្ពុជា​បាន​ដាក់​ប្រកាស​ដាក់​ឱ្យ​អនុវត្ត​ជា​ផ្លូវ​ការ​​នូវឯកសារ​យុទ្ធ​សាស្រ្ត​សំខាន់​ចំនួន ២ ដើម្បី​​ជា​ការ​ចាប់​ផ្តើម​​បើក​ទទួល​ភ្ញៀវ​ទេសចរ​អន្តរ​ជាតិ​ចាក់​វ៉ាក់សាំង និង​ធានា​បាន​នូវ​សុវត្ថិភាព​​ទាំង​​ភ្ញៀវ​ទេសចរ និង​ប្រជាជាន​ក្នុង​​ស្រុក​។

លោក អូន ព័ន្ធមុនីរ័ត្ន ឧបនាយក​រដ្ឋ​មន្ត្រី រដ្ឋ​មន្ត្រី​ក្រសួងសេដ្ឋកិច្ច និង​ហិរញ្ញវត្ថុ និង​ជា​ប្រធាន​គណៈកម្មាធិការ​ជាតិ​អភិវឌ្ឍន៍​វិស័យ​ទេសចរណ៍​ ថ្លែង​ក្នុង​ពិធី​ប្រកាស​ដាក់​ឱ្យ​អនុវត្ត​ឯកសារ​ទាំង​២ កាល​ពី​ថ្ងៃ​ទី​២៨ ខែ​តុលា បាន​ឱ្យ​ដឹង​ថា វិបត្តិ​ជំងឺ​កូវីដ​១៩ បាន​​បង្កឱ្យមានវិបត្តិសុខភាព​សាធារណៈ និង​ផល​ប៉ះពាល់​យ៉ាង​ធ្ងន់ធ្ងរ​ដល់​សកម្មភាព​សង្គម​-​សេដ្ឋកិច្ច​ស្ទើរគ្រប់វិស័យ ក្នុង​នោះ​វិស័យ​ទេសចរណ៍​ដែល​ជា​​ចន្ទល់គន្លឹះមួយ​​សំខាន់​របស់​ប្រទេស​កម្ពុជា សម្រាប់​ជំរុញកំណើនសេដ្ឋកិច្ចជាតិ ក៏​ទទួល​រង​ផល​​ប៉ះ​ពាល់​យ៉ាងខ្លាំងមិនធ្លាប់មានផង​ដែរ ​។

លោក​បន្តថា ជាមួយនឹងនិន្នាការថ្មីនេះ រដ្ឋាភិបាលកម្ពុជា​​បាន​​ដាក់ចេញនូវ«ផែនទីចង្អុលផ្លូវស្តីពី ផែនការស្តារ និង លើកស្ទួយវិស័យទេសចរណ៍កម្ពុជា ក្នុង និង​ក្រោយវិបត្តិជំងឺកូវដ​១៩» ។ ផ្តើម​ចេញ​ពី​ឯកសារ​​នេះ រដ្ឋាភិបាល​ក៏​បានសម្រេចដាក់ចេញឯកសារដ៏មានសារៈបន្ថែម​សំខាន់ ២ ទៀត​ដែលបាន​ ប្រកាស​ដាក់ឱ្យអនុវត្តជាផ្លូវការនាពេល​នេះ​​។

លោកលើក​ឡើង​ទៀត​ថា ឯកសារ​យុទ្ធ​សាស្រ្តទាំង ២ នេះ​ត្រូវ​បាន​រៀបចំឡើង​ដោយ​ឈរ​លើ​គោលការណ៍​រក្សា​បាន​​នូវ​តុល្យភាព​រវាង​សកម្ម​ភាព​សង្គម​-សេដ្ឋកិច្ច និង​ការ​ធានា​សុវត្ថិភាព និង​សុខភាព​សាធារណៈ​សម្រាប់​ប្រជាពលរដ្ឋ និង​ភ្ញៀវ​ទេសចរ។​ ក្នុងន័យនេះ ការបើកទទួលទេសចរណ៍វ៉ាក់សាំងនឹងត្រូវធ្វើឡើងជាជំហានៗ ប្រកប​​ដោយ​ស្មារតីបុរេសកម្ម និងប្រុងប្រយ័ត្ន ស្របតាមការវិវត្តជាក់ស្តែងនៃសភាពការណ៍ នៃការ​ឆ្លងរាល​ដាល​នៃជំងឺកូវីដ​១៩ ។ ទន្ទឹមនេះ ការជំរុញចលនាទេសចរណ៍ផ្ទៃក្នុង នឹង ផ្តោតសំខាន់ ទៅលើការបង្ក​លក្ខណៈ​ងាយស្រួល​ឱ្យប្រជាពលរដ្ឋ អាចធ្វើដំណើរបានទូទាំង​ប្រទេស ប្រកបដោយសុវត្ថិភាព សំដៅ​ពង្រឹង​បន្ថែម​ទៀត​នូវ​ស្មារតីស្នេហាជាតិ ស្របតាម ទិសស្លោក «ស្រលាញ់ជាតិ ត្រូវស្គាល់ទឹកដី»។

រដ្ឋ​មន្រ្តីក្រសួង​ទេសចរណ៍ លោក ថោង ចុង បាន​និយាយ​ថា ធាតុ​ចូល​នៃ​ឯកសារ​យុទ្ធ​សាស្រ្តទាំង ២ នេះ ត្រូវ​បាន​ទទួល​ពី​គ្រប់​ផ្នែក​ពាក់​ព័ន្ធ រួម​ទាំង​វិស័យ​ឯកជន​ផង​ដែរ​។ ឯកសារ​នោះ​ត្រូវ​បាន​រៀបចំ​ឡើង​ក្នុងអំឡុង​ពេល​នៃ​ការ​ផ្ទុះ​ឡើង​របស់​​ជំងឺកូវីដ​១៩ ដែល​ជំងឺ​នេះ​មិនត្រឹមតែជាជំងឺដ៏កាចសាហាវ និងបង្កមហន្តរាយ​ចំពោះ​សុខភាព​សាធារណៈ​​ប៉ុណ្ណោះទេ ប៉ុន្តែបាននិងកំពុងបន្តផលប៉ះពាល់យ៉ាងធ្ងន់ធ្ងរ​ជាប្រវត្តិសាស្រ្តចំពោះសេដ្ឋកិច្ច​ពិភពលោក ដែលក្នុងនោះសកម្មភាពសេដ្ឋកិច្ច និងពាណិជ្ជកម្ម ស្ទើរគ្រប់វិស័យទាំងអស់បានធ្លាក់ចុះ។

លោកនាយក​រដ្ឋមន្ត្រី ហ៊ុន សែន នៅ​ក្នុង​សារ​មួយ​នៃ​ពិធី​ប្រកាស​ផ្សព្វ​ផ្សាយ​ និង​ដាក់​ឱ្យ​អនុវត្ត​ឯកសារ​ទាំង ២ ខាង​លើ បានលើកឡើង​​ថា ផែនការយុទ្ធសាស្រ្ត​ស្តីពី​ការ​បើក​ទទួល​ភទេសចរ​ចាក់វ៉ាក់សាំង នឹង​ក្លាយ​ជាឯកសារ​យុទ្ធសាស្រ្ត​ដ៏​សំខាន់​សម្រាប់​ការ​បើក​ឱ្យ​ដំណើរ​ការ​ឡើងវិញ​ជា​បណ្តើរៗ​នៃ​ការ​ទទួល​ភ្ញៀវ​ទេសចរ​អន្តរជាតិ ដោយឈរ​លើ​គោលការណ៍​រក្សា​បាន​នូវ​តុល្យភាព​រវាង​សកម្ម​ភាព​សង្គម-​សេដ្ឋកិច្ច និងធានាបានសុវត្ថិភាព និង​សុខុមាភាពសាធារណៈ ជា​មួយ​នឹង​កិច្ច​ខិតខំ​ក្នុង​ការ​វិល​ត្រឡប់​ឱ្យ​បាន​ឆាប់​ទៅរក​«​ប្រក្រតីភាព​ថ្មី»​នៃ​ជីវភាព​រស់​នៅ​ប្រចាំ​ថ្ងៃ​របស់​ប្រជាពល​រដ្ឋ។

តាម​ផែនការ​កម្ពុជា នឹង​បើក​ទទួល​ភ្ញៀវទេសចរអន្តរជាតិ នៅ​ក្នុងក្របខណ្ឌនៃកម្មវិធីទេសចរណ៍វ៉ាក់សាំង​ចាប់ពីថ្ងៃទី ៣០ ខែ​វិច្ឆិកា ឆ្នាំ​២០២១ តទៅ ដោយ​ចាប់​ផ្តើម​ដំបូង​នៅក្រុងព្រះសីហនុ ក្រុងកោះរ៉ុង នៃខេត្តព្រះសីហនុ និង តំបន់តារាសាគរនៃខេត្តកោះកុង មុន​នឹង​ឈាន​ទៅ​​ខេត្តសៀមរាប​ក្នុងខែ មករា ឆ្នាំ ២០២២៕

កញ្ញាវឿន ជីវ៉ាម្ចាស់បទ «វាក់សាំងមនុស្សក្បត់»របស់ផលិតកម្មដាវីត្រា កំពុងទទួលបានការ​ចាប់អារម្មណ៍យ៉ាង ខ្លាំងពីសំណាក់ទស្សនិជនគ្រប់មជ្ឈដ្ឋានជាពិសេសលើបណ្តាសង្គម Tiktok។ 

ម្ចាស់បទ«វាក់សាំងមនុស្សក្បត់»នេះ កញ្ញា វឿន ជីវ៉ា បានប្រាប់ឱ្យដឹងថា បទនេះគឺត្រូវបាន​លោកអ្នកនិពន្ធខិតខំសម្រិតសម្រាំងប្រើប្រាស់នូវពាក្យពេជ្យ ជាពិសេសគឺរំលេចនូវការ ចាក់វ៉ាក់សាំង។

កញ្ញាថា បទ«វាក់សាំងមនុស្សក្បត់»ត្រូវបានផលិតកម្មដាវីត្រាផលិតឡើងជាសារក្នុង​ការដាស់​តឿនក្រៀនរំលឹកដល់ពុកម៉ែបងប្អូនប្រជាពលរដ្ឋទៅចូលរួមចាក់វ៉ាក់សាំងការពារជំងឺកូវីដ១៩ឱ្យបានទាន់ពេលវេលាកំណត់របស់រាជរដ្ឋាភិបាលផងដែរ។

ខាងក្រោម នេះសូមចូលទៅកាន់តំណរភ្ជាប់ MV «វាក់សាំងមនុស្សក្បត់»នេះ។ ហើយលោក​អ្នក​ក៏​អាចទាញយកកម្មវិធីអេប«App Komsan»របស់ផលិតកម្មដាវីត្រា​រីករាយសណ្តាប់​និងទស្សនាMVs នានាបានដោយមិនគិតថ្លៃផងដែរ៕

ព័ត៌មានបន្ថែមសូមទំនាក់ទំនងលេខ 0968888811

ភ្នំពេញៈ កម្ពុជា​​​ក្នុង​នាម​ជា​ម្ចាស់​ផ្ទះ​នៃ​កិច្ច​ប្រជុំ​កំពូល​​អាស៊ី-អឺរ៉ុប​លើក​ទី១៣ (ASEM13)​ នឹង​រៀបចំ​«វេទិកា​សេដ្ឋកិច្ច និង​ធុរកិច្ច​អាស៊ី-អឺរ៉ុប លើក​ទី១(AEEBF1)» ក្រោម​អធិបតី​របស់​លោក​នាយក​រដ្ឋ​មន្ត្រី​ ហ៊ុន សែន ខណៈ​​​វេទិកា​នេះ​ត្រូវ​​រំពឹង​ថា ​នឹង​មានការ​ចូល​រួម​យ៉ាង​ច្រើន​ពី​សំណាក់​ថ្នាក់​ដឹក​នាំ អ្នក​ស្រាវ​ជ្រាវ ​អ្នក​ជំនួញ និង​សាធារណជន​ ដើម្បី​​​ជា​ការ​ចែក​រំលែក​នូវ​​​ចំណេះ​​​ដឹង​ថ្មីៗពី​​​​ការ​ធ្វើ​ពាណិជ្ជកម្ម​​អន្តរ​ជាតិ​ប្រកប​ដោយ​និរន្តររភាព​​ក្នុង​បរិបទ​ថ្មី​នៃ​​ការ​ឆ្លង​រាល​ដាល​ជំងឺ​កូវីដ​១៩ និង​បដិវត្តឧស្សាហកម្ម​ ​៤.០​។

កិច្ច​ប្រជុំ​​​កំពូល​​អាស៊ី-អឺរ៉ុប​លើក​ទី១៣ នឹង​រៀបចំ​ឡើង​​រយៈពេល​ពីរថ្ងៃ ​ចាប់ពី​ថ្ងៃទី២៥ ​ដល់ថ្ងៃទី​២៦ ខែវិច្ឆិកា ​ឆ្នាំ២០២១​ តាមប្រព័ន្ធ​អនឡាញ។

លោក ប៉ែន សុវិជាតិ អ្នកនាំពាក្យក្រសួងពាណិជ្ជកម្មថ្លែងថា ក្រសួង​ពាណិជ្ជកម្មនឹង​រៀបចំ «វេទិកា​សេដ្ឋកិច្ច និង​ធុរកិច្ច​អាស៊ី-អឺរ៉ុប លើក​ទី១ (AEEBF1)» ក្រោមមូលបទ «ការ​ផ្លាស់​ប្តូរ​ទៅ​រកគន្លងប្រក្រតីភាពថ្មី៖ ការ​ធ្វើ​អានុ​ភាវូបនីយ​កម្ម​ខ្សែ​ច្រវាក់តម្លៃសកល ពហុភាគីនិយម និងបដិវត្តន៍ឧស្សាហកម្ម ៤.០» ដែល​នឹង​ប្រព្រឹត្តទៅ​​តាម​រយៈ​ប្រព័ន្ធ​វីដេអូ​ ​នៅ​ថ្ងៃទី២៤ ខែវិច្ឆិកា ឆ្នាំ២០២១។ ដើម្បី​សម្រួល​ដល់​អ្នកចង់​​ចូល​រួម​ស្តាប់​ក្នុង​វេទិកា​នេះ ក្រសួង​​បាន​ដាក់​ឱ្យ​​​​ដំណើរការ​​នូវ​គេហទំព័រ​​ចុះ​ឈ្មោះ​តាម​រយៈ​តំណរ​រ​ភ្ជាប់ https://aeebf.moc.gov.kh/ ផង​ដែរ។

​លោក សុវិជាតិ បានមានប្រសាសន៍ថាប្រធាន​បទ​សំខាន់ៗ​ ដែល​នឹងត្រូវ​​លើក​ឡើង​ក្នុង​វេទិកា​នេះមាន​ដូច​ជា ការ​គាំទ្រ​ប្រព័ន្ធ​ពហុ​និយម, ការ​ប្រើ​ប្រាស់​បច្ចេក​វិទ្យា​បញ្ញា​សិប្បនិម្មិត (AI)ដើម្បី​ជំរុញ​កំណើន​ការ​ធ្វើ​ពាណិជ្ជកម្ម, និង​ការ​ធ្វើ​​​សេដ្ឋកិច្ច​បៃតង​ ជា​ដើម​។​ វេទិកា​នេះ​​​ធ្វើ​ឡើង​​ក្រោម​កិច្ចសហការ​ពី​​​ក្រុមប្រឹក្សា​អភិវឌ្ឍន៍​កម្ពុជា​(CDC), សភាពាណិជ្ជកម្ម​កម្ពុជា(CCC), មូល​និធិ​​អាស៊ី-អឺរ៉ុប​(ASEF), ស្ថាប័ន Bruegel និង​ដៃគូ​សហការ​ជា​ច្រើន​ទៀត​។

តាម​ការគ្រោងទុក ក្រសួងពាណិជ្ជកម្ម នឹង​អញ្ជើញ​បណ្តា​ប្រទេស​ជា​សមាជិក ASEM ចូលរួម​វេទិកា​សេដ្ឋកិច្ច និង​ធុរកិច្ច​អាស៊ី-អឺរ៉ុប​លើក​ទី១ រួមមាន សមាជិក​​​អាស៊ាន​ទាំង១០ ចិន ឥណ្ឌា ជប៉ុន កូរ៉េខាងត្បូង អូស្ត្រាលី នូ​វែ​ល​សែ​ឡង់ ហុង​គ្រី បារាំង អង់គ្លេស រុស្ស៊ី បែ​ល​ហ្សិ​ក អេ​ស្តូ​នី និង​បណ្តា​ប្រទេស​ដទៃទៀត​មកពី​អាស៊ី​និង​អឺរ៉ុប ព្រមទាំង​​អ្នករៀបចំ​គោល​នយោបាយ បញ្ញាវន្ត អ្នកជំនាញការ ប្រធាន​ក្រុមហ៊ុនធំៗ ក្រុម​ធុរជន និង​វិស័យ​ឯកជនជា​ច្រើន​មក​ពី​អាស៊ី និង​អឺរ៉ុប​៕​

ភ្នំពេញ៖ សមាគមភស្តុភារកម្មកម្ពុជា និងក្រុមហ៊ុន វន្តសាលា ឯ.ក ចុះអនុស្សរណៈនៃការយោគយល់គ្នាអំពីកម្ម​វិធីបណ្តុះបណ្តាលដោយផ្ទាល់ ជូនចំពោះសិក្ខាកាម ឆាប់ៗខាងមុខនេះ សមាគមនឹងមានកម្មវិធីបង្រៀន តាមរយៈទំរង់បច្ចេកវិទ្យាព័តមាន (E-Learning Platform) លើមុខវិជ្ជាជំនាញឡូជីស្ទីក និងដឹកជញ្ជូន។

ពិធីចុះអនុស្សរណៈនៃការយោគយល់គ្នានេះធ្វើឡើងកាលពីថ្ងៃទី២៦ ខែតុលា ក្រោមអធីបតីភាពលោក ហឿន សំនៀង នាយកវិទ្យាស្ថានតេជោសែនសាធារណការ ។

លោក ស៊ិន ចន្ធី ប្រធានសមាគមភស្តុភារកម្មកម្ពុជា បានឲ្យដឹងថា សមាគមឥឡូវនេះកាន់តែបោះជំហានទៅមុខ​ជាបណ្តើរៗ ដោយក្រៅអំពីកម្មវិធីបណ្តុះបណ្តាលដោយផ្ទាល់ ជូនចំពោះសិក្ខាកាម ឆាប់ៗខាងមុខនេះ សមាគមនឹងមានកម្មវិធីបង្រៀន តាមរយៈទំរង់បច្ចេកវិទ្យាព័តមាន (E-Learning Platform) លើមុខវិជ្ជា​ជំនាញ​ឡូជីស្ទីក និងដឹកជញ្ជូនផងដែរ ដោយសមាគមបានសហការជាមួយ ក្រុមហ៊ុន វន្តសាលា ឯ.ក ដែលជាក្រុមហ៊ុនជំនាញលើផ្នែកនេះ ជាច្រើនឆ្នាំកន្លងមហើយនៅក្នុងប្រទេសកម្ពុជាយើង។

លោកបានបន្ថែមថា៖« ដើម្បីដើរទាន់សម័យកាលព័ត័មានវិទ្យា ក៏ដូចជាបំពេញតម្រូវការ ចំពោះសិក្ខាកាម​ជាពិសេសក្នុងបរិបថកូវីដ១៩នេះ និងដើម្បីអភិវឌ្ឍន៍ធនធានមនុស្សលើផ្នែកនេះ ដើម្បីបំពេញតម្រូវការបច្ចុប្បន្ន ចំពោះក្រុមហ៊ុនផ្តល់សេវាកម្មឡូជីស្ទីក ដឹកជញ្ជូន សមាគមក្រៅអំពីការសហការជាមួយក្រុមហ៊ុនវន្តសាលា ក៏នឹងមានការសហការបន្ថែមទៀតជាមួយវិទ្យាស្ថាន និងស្ថាប័នពាណិជ្ជកម្មផ្សេងៗទៀត ក្នុងន័យរួមគ្នាផលិត​ធនធាន​មនុស្សលើជំនាញនេះបន្ថែមផងដែរ»។

លោក ហឿន សំនៀង នាយកវិទ្យាស្ថាន បានមានប្រសាសន៍ថា ជាមួយទស្សនះគិតគូរដ៏វែងឆ្ងាយ និងមោះមុត​របស់លោក លោក ស៊ុន ចាន់ថុល រដ្ឋមន្ត្រី ក្រសួងសាធារណការ និងដឹកជញ្ជូន ក្រសួងបានខិតខំយ៉ាង​សស្រាក់សស្រាំ ឥតទំនេរដៃ ក្នុងការស្ថាបនា និងកែលម្អហេដ្ឋារចនាសម្ព័ន្ធ ផ្លូវថ្នល់ដែលជាសរសៃឈាមនៃការ​ដឹក​ជញ្ជូន​ក្នុងដែនដីនៃព្រះរាជាណាចក្រកម្ពុជាដ៏សំខាន់ បម្រើដល់សកម្មភាព សេដ្ឋកិច្ចជាតិ។

លោកបានសំដែងនូវការអបអរសាទរ ដល់សមាគមភស្តុភារកម្មកម្ពុជា និងក្រុមហ៊ុនវន្តសាលា ឯ.ក ដែលបានចូលរួមគាំទ្រដល់សកម្មភាពបណ្តុះបណ្តាលធនធានមនុស្សក្នុងវិស័យឡូជីស្ទីក និង ដឹកជញ្ជូន តាមរយៈការបង្កើតកម្មវិធីសិក្សាតាមប្រព័ន្ធបច្ចេកវិទ្យានេះឡើង៕

កាន់តែអស្ចារ្យជាមួយKHQR Code របស់ធនាគារអេស៊ីលីដាដែលអនុញ្ញាតឱ្យអតិថិជនអាច​ធ្វើការ ស្កែន QR ជាមួយ Visa QR  និង Master QR ជាលក្ខណះអន្តរជាតិដោយពុំចាំបាច់ខ្វល់ខ្វាយ​រឿងការ កាន់សាច់ប្រាក់ជាប់ខ្លួនឡើយសម្រាប់ការធ្វើដំណើរទៅក្រៅប្រទេសឡើយ។

លោកស្រី សុខ សោភា នាយិកាប្រតិបត្តិទីផ្សារ នៃធនាគារ អេស៊ីលីដាបានមានប្រសាសន៍ថា តាមរយះការស្កែត KHQR Code នេះ ជាមួយនិងអេស៊ីលីដាម៉ូបាល អ្នកប្រើប្រាស់មិនត្រឹមតែ ធ្វើការ ទូរទាត់បាននូវទូទាំងប្រទេសកម្ពុជាប៉ុណ្ណោះទេ ប៉ុន្តែថែមទាំងអាចស្កែន KHQR Code នេះ សម្រាប់ការទូទាត់នៅក្រៅប្រទេស ដូចជាប្រទេសថៃជាដើម។ ហើយក៏អាចស្កែនជាមួយ Visa QR Code ជាអន្តរជាតិផងដែរ។

លោកស្រីនាយិកាបានថ្លែងបញ្ជាក់យ៉ាងដូច្នេះថា៖«អេស៊ីលីដាជាធនាគារទី១ដែលដាក់ឱ្យដំណើការ QR ដែលមាន QR អេស៊ីលីដាតែមួយគឺគ្រប់គ្រាន់ដែលអាចទទួលយក QR code របស់ធនាគារផ្សេងៗបាន។ ដូច្នេះមិនថាធនាគារណាឬស្ថាប័នណាទេ គឺយើងលែងខ្វល់ខ្វាយ គ្រាន់តែមាន QR អេស៊ីលីដាតែមួយគឺគាត់ស្កែនភ្លាមគឺអាចធ្វើប្រតិបត្តិការបានដោយជោគជ័យហើយ។ នេះគឺជាមហ្ឆិតានៃការបម្រើសេវាជូនអតិថិជនឱ្យបានដិតដល់ បម្រើជូនអតិថិជនរបស់ស្ថាប័នដទៃៗទៀតដែលគាត់មិនមានលទ្ធអភិវឌ្ឍបម្រើអតិថិជនរបស់គាត់បានឬមួយក៏គាត់កំពុងតែអភិវឌ្ឍប៉ុន្តែអភិវឌ្ឍមិនទាន់បាន ដូច្នេះអេស៊ីលីដាមាន QR តែមួយគត់គឺគ្រប់គ្រាន់សម្រាប់គាត់អាចទទួលបាននៅទូទាំងប្រទេស»។

លោកស្រី សុខ សោភា បានថ្លែងបញ្ជាក់ទៀតថា៖«ខ្ញុំក៏ចង់បញ្ជាក់ជូនដែរតាមរយះ អេស៊ីលីដាម៉ូបាល និង អេស៊ីលីដា QR នេះ គឺសព្វថ្ងៃនេះយើងអាចស្កែនបាននៅប្រទេសថៃគឺយើងអាចស្កែនទៅវិញទៅមកបាន និងចាយជាលុយរៀល និងមួយទៀតគឺយើងអាចស្កែនបានជាមួយ Visa QR  និង Master QR ជាលក្ខណះអន្តរជាតិតែម្តង។ អញ្ចឹងមានតែអេស៊ីលីដាម៉ូបាលមួយគឺគ្រប់គ្រាន់ក្នុងការធ្វើដំណើរ​ជុំវិញសកលលោកដោយរីករាយ»។

ធនាគារ អេស៊ីលីដា ភីអិលស៊ី«ប្រជាធនាគារដែលលោកអ្នកជឿទុកចិត្ត» គឺជាធនាគារពាណិជ្ជទីមួយ​ក្នុងប្រទេស​កម្ពុជាបានអភិវឌ្ឍ និងបានដាក់ឲ្យប្រើប្រាស់នូវសេវាទូទាត់តាមKHQR Code​ក្រោមកិច្ចផ្តួចផ្តើម និងដឹកនាំរបស់ធនាគារជាតិនៃកម្ពុជាកាលពីថ្ងៃទី២៥ ខែតុលាកន្លងមកនេះ។

សម្រាប់អតិថិជននៅធនាគារឬស្ថាប័នណាក៏ដោយ គ្រាន់តែមាន KHQR Codeរបស់អេស៊ីលីដា ដែលជាស្តង់ដារឃ្យូអរកូដតែមួយ សម្រាប់គ្រឹះស្ថានធនាគារនិងហិរញ្ញវត្ថុ និងគ្រឹះស្ថានផ្តល់​សេវាទូទាត់សងប្រាក់ ដាក់ឲ្យអតិថិជនប្រើប្រាស់ដើម្បីការទូទាត់ថ្លៃទំនិញ និងសេវាកម្ម​ផ្សេងៗនៅក្នុងប្រទេសកម្ពុជា តាមរយៈអេស៊ីលីដាម៉ូបាល (ACLEDA Mobile) កម្មវិធីបាគង (Bakong App) និងអាចស្កែន KHQR Code របស់ធនាគារផ្សេងៗបាន៕

ភ្នំពេញៈ រដ្ឋាភិបាល​នឹង​អនុញ្ញាត​ឱ្យ​បញ្ចេញ​លក់សាច់​បង្កក និង​មុខ​ទំនិញ​បង្កក​ពី​ប្រទេស​មាន​ហានិភ័យ​ខ្ពស់​នៅ​លើ​ទីផ្សារ​កម្ពុជាឆាប់ៗនេះ​ បន្ទាប់​ពី​គណៈ​កម្មការ​ចំពោះ​កិច្ច​ទប់​ស្កាត់​ការ​រីករាល​ដាល​ជំងឺ​ឆ្លង​កូវីដ​១៩បានធ្វើតេស្តឃើញថា លទ្ធផល​នៃ​ការ​ធ្វើ​តេស្ត​រក​វីរុស​កូវីដ​១៩ គឺ​មាន​កម្រិត​“វិជ្ជមាន”តិច​តួច​បំផុត ​។

ក្នុង​កិច្ច​ប្រជុំ​នៃ​គណៈ​កម្មការ​ចំពោះ​កិច្ច​ទប់​ស្កាត់​ការ​រីករាល​ដាល​នៃ​ជំងឺ​ឆ្លង​កូវីដ​១៩ពាក់​ព័ន្ធនឹង​ការ​នាំ​ចូល​ទំនិញ​មាន​ហានិ​ភ័យ​ខ្ពស់ មាន​ប្រភព​ពី​ប្រទេស​មាន​ការ​រីក​រាល​ដាល​ខ្លាំង​នូវ​ជំងឺ​ឆ្លង​កូវីដ១៩ ដែល​ធ្វើ​ឡើង​តាម​ប្រព័ន្ធ​វីដេអូ (Zoom) កាល​ពី​ថ្ងៃទី​២០ ខែ​តុលាលោក គុណ ញឹម អគ្គ​នាយក​នៃ​អគ្គ​នាយក​ដ្ឋាន​គយ​និង​រដ្ឋាករ​កម្ពុជា និង​ជា​ប្រធាន​គណៈ​កម្មការ​ចំពោះ​កិច្ច បាន​លើក​ឡើង​ថាក្នុង​ចំណោម​ទំនិញ​សាច់​បង្កក​នាំ​ចូល​ចំនួន ១៥០ កុងតែន័រ ដែល​ជា​មុខ​សញ្ញា​ធ្វើ​តេស្ត​រក​វីរុស​កូវីដ១៩ កន្លង​មក គឺ​មាន​តែ ៣ កុងតឺន័រ​ប៉ុណ្ណោះ​ដែល​បាន​រក​ឃើញ​«វិជ្ជមាន» និង​ត្រូវ​បាន​ដុត​បំផ្លាញ​ចោល​កាល​ពី​ចុង​ខែ​កក្កដា ឆ្នាំ​២០២១។

លោក​បន្ត​ថា ទន្ទឹម​នឹង​នេះ​ក្រុម​ការងារ​តាម​ដាននិង​វាយ​តម្លៃ​ពី​ស្ថាន​ភាព​នៃ​ការ​រីករាល​ដាល​ជំងឺ​កូវីដ​១៩ នៅ​ប្រទេស​សំខាន់ៗ ដែល​នាំ​ចេញ​មុខ​ទំនិញ​សាច់​បង្កក​មក​កម្ពុជា ក៏​បាន​ធ្វើ​របាយការណ៍​ដោយ​បញ្ជាក់​ថា អត្រា​នៃ​ការ​ឆ្លង​នៅ​ប្រទេស​ទាំង​នោះ​បាន​ធ្លាក់​ចុះ​យ៉ាង​ច្រើន ដែល​ជា​កត្តា​កាត់​បន្ថយ​ហានិភ័យ​នៃ​វត្តមាន​វីរុស​កូវីដ​១៩ លើ​សាច់​បង្កក​នាំ​ចូល​មក​កម្ពុជា។

ជា​លទ្ធ​ផល​អង្គ​ប្រជុំ​បាន​ឯកភាព និង​សម្រេច​ធ្វើ​សំណើ​ស្នើ​សុំ​ការ​សម្រេច​ជា​គោលការណ៍​ពី​ថ្នាក់​ដឹកនាំ​លើ​ចំណុច​មួយ​ចំនួន​ដូច​ជា ដក​ចេញ​ការ​តម្រូវ​ឱ្យ​យក​សំណាក​សាច់​បង្កក​នាំ​ចូល​មក​ពី​ប្រទេស​ឥណ្ឌា​ទៅ​ធ្វើ​តេស្ត​រក​វីរុស​កូវីដ​១៩,រក្សា​ការ​តម្រូវ​ឱ្យ​មាន​វិញ្ញាបនបត្រ​ឬ​លិខិត​បញ្ជាក់​ថា គ្មាន​វីរុស​កូវីដ​១៩ លើ​សាច់​បង្កក​ចេញ​ដោយ​អាជ្ញាធរ​មាន​សមត្ថ​កិច្ច​នៃ​ប្រទេស​ឥណ្ឌា,បន្ត​អនុវត្ត​ត្រឹម​វិធាន​ការ​អនាម័យ និង​វិធានការ​សុខាភិបាល​លើ​ទំនិញ​ត្រជាក់ និងទំនិញ​បង្កក​នាំ​ចូល​ពី​ប្រទេស​ជិត​ខាង ដោយ​បាញ់​ថ្នាំ​សម្លាប់​មេរោគ​លើ​សំបក​វេច​ខ្ចប់ និងមធ្យោ​បាយ​ដឹក​ជញ្ជូន​ទំនិញ, និង​វិធានការ​កែ​សម្រួល​នេះ​នឹង​អនុវត្ត​ចាប់​ពី​ថ្ងៃទី​២៥ ខែ​តុលា ឆ្នាំ២០២១ តទៅ។

កិច្ច​ប្រជុំ​ក៏​បាន​សម្រេច​ទៀត​ថា ក្នុង​ករណី​ស្ថាន​ភាព​នៃ​ការ​ឆ្លង​រាល​ដាល​ជំងឺ​កូវីដ​១៩ នៅប្រទេស​នាំ​ចេញ​កាន់​តែ​ធូរ​ស្រាល វិធានការ​ខាង​លើ​នេះ​នឹង​អាច​ដក​ចេញ​ទាំង​ស្រុង​ចាប់​ពី​ថ្ងៃទី​០១ ខែ​មករា ឆ្នាំ​២០២២ តទៅ ។

ប្រទេស​កម្ពុជា កាល​ពី​ថ្ងៃ​ទី​១ ខែឧសភា ឆ្នាំ​២០២១ បាន​សម្រេច​ផ្អាក​ការ​នាំ​ចូល​សាច់​គោ​និងទំនិញ​ដែល​បង្ក​ទុក​បាន​យូរ​ពី​ប្រទេស​ឥណ្ឌា។ បម្រាម​នេះ​ធ្វើ​ឡើង​បន្ទាប់​ពី​មាន​ការ​រក​ឃើញ​​ប្រភេទ​សាច់​បង្កក និង​ទំនិញ​បង្កក​មួយ​ចំនួន​តូច​មាន​វត្ត​មាន​​វីរុស​កូវីដ១៩ ពេល​ដឹក​មក​ដល់​ប្រទេស​កម្ពុជា គ្រា​ដែល​ប្រទេស​ឥណ្ឌា​កំពុង​ផ្ទុះ​រាល​ដាល​កូវីដ​១៩ធ្ងន់ធ្ងរ។

ទោះ​យ៉ាង​ណា លិខិត​មួយ​របស់​អគ្គ​នាយក​ដ្ឋាន​គយ​ និង​រដ្ឋាករ​កម្ពុជា​កាល​ពី​ថ្ងៃទី​ ១៩ ខែមិថុនា បាន​សរសេរ​ថា យោង​តាម​ស្ថានភាព​ធូរ​ស្រាល​នៃ​ការ​ឆ្លង​រាលដាល​ជំងឺ​កូវីដ​១៩ នៅ​ប្រទេស​ឥណ្ឌា និង​លទ្ធផល​អវិជ្ជមាន​នៃ​ការ​ធ្វើ​តេស្ត​លើ​សាច់​បង្កក​កន្លង​មក រដ្ឋាភិបាល​សម្រេច​លើក​លែង​បម្រាម​លើ​ការ​នាំ​ចូល​សាច់​បង្កក និង​មុខ​ទំនិញ​បង្កក ដែល​អាច​មាន​ហានិភ័យ​ផ្សេង​ទៀត​មាន​ប្រភព​មកពី​ឥណ្ឌា ដោយ​ដាក់​មក​ជំនួស​វិញ​នូវ​វិធានការ​បណ្តោះអាសន្ន​មួយចំនួន។

កម្ពុជា​បាន​នាំចូល​សាច់​ក្របី​តម្លៃ ១៧,៧ ​លាន​ដុល្លារ ពី​ឥណ្ឌា​កាលពី​ឆ្នាំ​ ២០២០ កើនឡើង ១៧០ ​ភាគរយ​ធៀប​នឹង​ឆ្នាំ​ ២០១៩៕

ភ្នំពេញៈ រដ្ឋាភិបាល​កម្ពុជា​បាន​សម្រេច​អនុម័ត​កញ្ចប់​ថវិកា​ថ្នាក់​ជាតិ​ឆ្នាំ​២០២២ ចំនួនជាង ៨,៧​ពាន់​​លាន​ដុល្លារ​ កើន​ឡើង ៦,៨​​ភាគ​រយ​បើ​ធៀប​នឹង​ឆ្នាំ​២០២១​ ខណៈ​ការ​ប្រមូល​ចំណូល​ គ្រោង​នឹង​ឱ្យ​បាន​ចំនួន​ ៥ ៧៧១​លាន​ដុល្លារ​​។

បើ​យោង​តាម​សេចក្តី​ប្រកាស​ព័ត៌មាន​ស្តីពី​លទ្ធផល​នៃ​កិច្ច​ប្រជុំ​ពេញ​អង្គ​គណៈ​រដ្ឋមន្ត្រី​កាល​ពី​ថ្ងៃ​ទី​២២ ខែ​តុលា ឆ្នាំ​២០២១ ​ឱ្យ​ដឹង​ថា តាម​ការ​វាយ​តម្លៃ​ពាក់​កណ្តាល​ឆ្នាំ​កន្លង​មក សេដ្ឋកិច្ច​កម្ពុជា​នៅ​ឆ្នាំ​២០២១ ត្រូវ​បាន​ប៉ាន់​ស្មាន​ថា នឹង​មាន​កំណើន​ក្នុង​អត្រា​២,៤ភាគ​រយ​ ហើយត្រូវ​បាន​ព្យាករថា​នឹង​ងើប​ឡើង​វិញ​នៅ​ឆ្នាំ​២០២២ ដោយ​ត្រូវ​បាន​ព្យាករថា​នឹង​សម្រេច​បាន​កំណើន​ក្នុង​រង្វង់ ៤,៨ភាគ​រយ​ ដែល​ធ្វើ​ឱ្យផ.ស.ស.ថ្លៃ​បច្ចុប្បន្ន​ស្ថិត​ក្នុង​រង្វង់ ៣០ ៥៤៤​លាន​ដុល្លារ​ ស្រប​ពេល​ ផ.ស.ស. សម្រាប់​មនុស្ស​ម្នាក់ត្រូវ​រំពឹង​នឹង​កើន​ឡើង​ដល់ ១ ៨៤១​ដុល្លារ បើ​ប្រៀប​ធៀប​នឹង ១៧៣០​ដុល្លារ​ក្នុង​ឆ្នាំ​២០២១។

យោង​តាម​សេចក្តី​ប្រកាស​ព័ត៌មាន តាម​ផែនការគម្រោង​ចំណាយ​ថវិកា​​ថ្នាក់​ជាតិ ឆ្នាំ​២០២២ ត្រូវ​បានគ្រោង​​​ចំនួន ៨ ០១៣​​លាន​ដុល្លារ ត្រូវ​ជា ២៦,២៤​ភាគ​រយ​នៃ​ផ.ស.ស. ​កើន​ឡើង ៦,៨​​ភាគ​រយ​ធៀប​នឹង​ឆ្នាំ​២០២១។ ចំណែក​​ចំណូលថវិកា​ថ្នាក់​ជាតិ ​​គ្រោងរក​ឱ្យ​បាន​​ចំនួន ៥ ៧៧១​លាន​ដុល្លារ ត្រូវ​ជា ១៨,៩​ភាគ​រយ​នៃ​ផ.ស.ស ដែល​កើន​ឡើង​​​ ១៧,៧​​ភាគ​រយ​ធៀប​ឆ្នាំ​២០២១។​

សេចក្តី​ប្រកាស​ព័ត៌មានរបស់​កិច្ច​ប្រជុំ​គណៈ​រដ្ឋ​មន្ត្រីបានលើក​ឡើង​ទៀត​ថា ដើម្បី​សម្រេច​បាន​កំណើន​សេដ្ឋកិច្ច​ក្នុង​រង្វង់៤,៨​ភាគរយ​ ក្នុង​បរិបទ​នៃ​ការ​កើន​ឡើង​នូវ​ភាព​មិន​ប្រាកដ​ប្រជា​ទាំង​ក្នុង​និង​ក្រៅ​ប្រទេស រដ្ឋាភិបាល​កម្ពុជា​នឹង​ជំរុញ​អនុវត្ត​យុទ្ធសាស្ត្រ​ស្តារនិង​ជំរុញ​កំណើន​សេដ្ឋកិច្ច​កម្ពុជា ក្នុង​ការ​រស់​នៅ​ជាមួយ​កូវីដ​១៩ តាម​គន្លង​ប្រក្រតី​ភាព​ថ្មី ដោយ​មិន​ត្រឹម​តែ​ផ្តោត​លើ​ការ​ស្តារ​សេដ្ឋកិច្ច​និង​ជីវភាព​ប្រជាជន​ឱ្យ​បាន​ឆាប់​រហ័ស​ប៉ុណ្ណោ​ទេ ប៉ុន្តែ​ថែម​ទាំង​ដើម្បី​ធានា​ឱ្យ​បាន​នូវ​ការ​អភិវឌ្ឍ​សេដ្ឋ​កិច្ច​ប្រកប​ដោយ​សមធម៌ និរន្តរ​ភាព និង​បរិយាបន្ន ក្នុង​រយៈពេល​វែង​ផង​ដែរ​ដោយ​ឈរ​លើ​សសរ​ស្តម្ភ​ចំនួន​បី​គឺ​ការ​ស្តារ​ការ​កែ​ទម្រង់ និង​ការ​កសាង​ភាពធន់។

សេចក្តី​ប្រកាស​ព័ត៌មាន​បាន​អះអាង​ថា៖​«​ក្នុង​ន័យ​នេះ ថវិកា​ឆ្នាំ​២០២២ អាច​ប្រសិទ្ធ​នាម​បាន​ថា​ជា«ថវិកា​សម្រាប់​បន្ត​ការ​ប្រយុទ្ធ​ប្រឆាំង និង​ការ​កសាង​សមត្ថភាព​រស់​នៅ​ជាមួយ​កូវីដ​១៩ តាម​កន្លង​ប្រក្រតី​ថ្មី ដើម្បី​បន្ត​ប្រយុទ្ធ ការពារ​អាយុ​ជីវិត​ប្រជាជន រក្សាលំ​នឹង​សង្គម-សេដ្ឋកិច្ច និង​ជីវ​ភាព​រស់​នៅ​របស់​ប្រជា​ជន ព្រម​ជាមួយ​នឹង​ការ​តម្រង់​ធន​ធាន​ឆ្ពោះ​ទៅ​ស្តារ និង​ជំរុញ​កំណើន​សេដ្ឋកិច្ច​ឡើង​វិញ»៕

ពិតជាអស្ចារ្យមែន!  ត្រឹមតែប៉ុន្មានថ្ងៃសោះ MV « វាក់សាំង​មនុស្ស​ក្បត់» របស់​ផលិត​កម្មដាវីត្រាកំពុងផ្ទុះការគាំទ្រយ៉ាងខ្លាំងនៅក្នុងបណ្តាញសង្គមដោយមានអ្នកចូលមើលជិត១លាននាក់ ជាពិសេសអ្នកដែលលេងTiktok បានចូលមើលជាង​កន្លះលាននាក់ និងយកទៅត្រាប់តាមជាង១០K ខណះដែលនៅក្នុង Youtube ជាង៣០លាននាក់។

MV « វាក់សាំងមនុស្សក្បត់» គឺច្រៀងរៀបរាប់អំពីស្នេហាខកចិត្តរបស់នារីអភ័ព្វស្នេហ៍​ម្នាក់ដែល​តែងតែជួបរឿងរ៉ាវស្នេហាមិនសមប្រកបជួបតែប្រុសសាវាម្តងហើយម្តងទៀត ដែល​ធ្វើ​ឱ្យ​រូបនាង​ស្ទើរតែរលែងហ៊ានប្រលូកក្នុងរៀងស្នេហា។ អ្វីដែលកាន់តែ​ចាប់​​​អារម្មណ៍​នោះគឺនាងសួរថាតើលើកលោកនេះមានវាក់សាំង​ណាចាក់ដើម្បី​កុំឱ្យមាន​មនុស្ស​​ប្រុសក្បត់ចិត្តដែរទេ? ព្រោះនាងមិនចង់ជួបបុរសចិត្តសាវាទៀត​ឡើយ។

បើចង់ស្តាប់កំសាន្តនិងទស្សនានូវ MV « វាក់សាំងមនុស្សក្បត់»​ ​នេះសូម​ចូល​ទៅ​កាន់​តំណរភ្ជាប់ខាងក្រោមនេះ។

លោកអ្នកក៏​អាច​ទាញយកកម្មវិធីអេប​«​App Komsan» របស់ផលិតកម្មដាវីត្រារីករាយ​សណ្តាប់​និងទស្សនាMVs នានាបានដោយមិនគិតថ្លៃផងដែរ៕

ពត៌មានបន្ថែមសូមទំនាក់ទំនងលេខ 0968888811

ភ្នំពេញ៖ ជាកាបោះជំហ៊ានថ្មីមួយទៀត ធនាគារ អេស៊ីលីដា បាន​អភិវឌ្ឍ ​និងបាន​ដាក់ឲ្យប្រើប្រាស់​នូវ​សេវាទូទាត់តាម KHQR Codeក្រោមកិច្ចផ្តួចផ្តើម និងដឹកនាំរបស់​ធនាគារជាតិនៃកម្ពុជា។

KHQR Codeជាស្តង់ដារឃ្យូអរកូតតែមួយ សម្រាប់គ្រឹះស្ថានធនាគារនិងហិរញ្ញវត្ថុ និងគ្រឹះស្ថាន​ផ្តល់​សេវាទូទាត់សងប្រាក់ ដាក់ឲ្យអតិថិជនប្រើប្រាស់ដើម្បី​ការទូទាត់​ថ្លៃទំនិញ និងសេវាកម្មផ្សេងៗ​នៅក្នុង​ប្រទេសកម្ពុជា តាមរយៈអេស៊ីលីដាម៉ូបាល (ACLEDA Mobile) កម្មវិធីបាគង (Bakong App) និងអាចស្កែន KHQR Code របស់ធនាគារផ្សេងៗបាន។

លោកបណ្ឌិត អ៊ិន ចាន់នី ប្រធាននាយកប្រតិបត្តិ ធនាគារ អេស៊ីលីដា​ ភីអិលស៊ីបាន​មាន​ប្រសាសន៍ថា ដោយសង្កេតឃើញថានៅតាមបញ្ជរហាងទំនិញ​ និងអ្នកផ្តល់នូវ​សេវាកម្មនានា​​បានដាក់ឃ្យូអរកូត​សម្រាប់ទូទាត់​របស់គ្រឹះ​ស្ថាន​ធនាគារ និងហិរញ្ញវត្ថុ​ជាច្រើន មានភាពចង្អៀត ដែលធ្វើឲ្យអ្នកប្រើប្រាស់​មានការលំបាកក្នុងការ​ជ្រើសរើសដើម្បីទូទាត់។

លោកបណ្ឌិត បានមានប្រសាសន៍បញ្ជាក់ថា៖«ធនាគារ​ អេស៊ីលីដា ភីអិលស៊ី ​រួមទាំង​គ្រឹះ​ស្ថានធនាគារ និងហិរញ្ញវត្ថុសរុបចំនួន៥៤ បានធ្វើការអភិវឌ្ឍរួមគ្នានូវសេវា “KHQR” ដែលជាប្រព័ន្ធទូទាត់​ស្វ័យប្រវត្តិកម្មរួមបញ្ចូលគ្នានូវ ឃ្យូអរកូតសម្រាប់​វិស័យធនាគារនិងហិរញ្ញវត្ថុដើម្បីធ្វើ​ប្រតិបត្តិការទូទាត់រ​វាងគ្រឹះស្ថានធនាគារ​និងហិរញ្ញវត្ថុ និងគ្រឹះស្ថានផ្តល់សេវាទូទាត់សងប្រាក់ ដែលជាសមាជិក​សំដៅ​ផ្តល់នូវភាពងាយស្រួល​ជូនអ្នកប្រើប្រាស់ប្រកប​ដោយប្រសិទ្ធភាព ទាន់សម័យ មានសុវត្ថិភាព និងទំនុកចិត្តខ្ពស់»​​។

លោកបានថ្លែងបន្តទៀតថា៖ ការបង្កើត”KHQR” ក្នុងវិស័យធនាគារនេះស្ថិតក្រោម​គំនិតផ្តួចផ្តើម និងការគាំទ្រពីធនាគារជាតិនៃកម្ពុជា ជាពិសេស​លោកជំទាវបណ្ឌិត ជា សេរី ឧបការីទេសាភិបាល និងជាអគ្គនាយកបច្ចេកទេស ធនាគារជាតិនៃ​កម្ពុជា និង​ជាស្ថាបនិក​ប្រព័ន្ធបាគង ដែលជាប្រព័ន្ធទូទាត់កន្លោង និងប្រើបច្ចេកវិទ្យា Blockchain។

លោកជំទាវបណ្ឌិត ជា សេរី ឧបការីទេសាភិបាល និងជាអគ្គនាយកបច្ចេកទេស ធនាគារជាតិនៃ​កម្ពុជាបានមានប្រសាសន៍ថា បច្ចុប្បន្ន ការរីកចម្រើននៃបច្ចេកវិទ្យា និងការប្រកួតប្រជែងក្នុង​វិស័យហិរញ្ញវត្ថុបានផ្តល់ឱកាសនិងជំរុញឱ្យគ្រឹះ​ស្ថាន​ធនាគារនិងហិរញ្ញវត្ថុដាក់ចេញនូវឧបករណ៍និងសេវាទូទាត់ប្រកបដោយនវានុវត្តន៍ដល់សាធារណជន ដូចជាការទូទាត់តាមប្រព័ន្ធអ៊ីនធើណែត តាមទូរស័ព្ទចល័ត និងតាមឃ្យូអរកូត ជាដើម។

លោក ជំទាវបានថ្លែងបញ្ជាក់យ៉ាងដូច្នេះថា៖«ទោះជាយ៉ាងនេះក៏ដោយ ការទូទាត់​តាមឃ្យូអរកូត​កន្លងមកនៅពុំទាន់មានប្រសិទ្ធភាព និងផ្តល់ភាពងាយ​ស្រួល​សម្រាប់អតិថិជននៅឡើយ ព្រោះអតិថិជនមិនអាចធ្វើការទូទាត់សងប្រាក់ឆ្លង​គ្រឹះស្ថានទៅវិញទៅមកបាន»។

»ដើម្បីឆ្លើយតបទៅនឹងបញ្ហានេះ និងដើម្បីអនុវត្តស្របតាមយុទ្ធសាស្ត្រ​អភិវឌ្ឍន៍​វិស័យហិរញ្ញវត្ថុរបស់​រាជរដ្ឋាភិបាលកម្ពុជា ធនាគារជាតិ​ នៃកម្ពុជាបានដាក់​ចេញនូវប្រកាសស្តីពីគំរូបរិច្ឆិនភាពបច្ចេក​ទេសខេអេចឃ្យូអរកូត (KHQR Code) សម្រាប់ទូទាត់សងប្រាក់ កាលពីថ្ងៃទី២៦ ខែមិថុនា ឆ្នាំ២០២០កន្លងមក» នេះបើយោងតាមការថ្លែងបញ្ជាក់របស់លោកជំទាវបណ្ឌិត ជា សេរី ៕